In Aristanis su progetu pro s'agrualimentare sardu “Ilab Food”

In sa Mesa – Chenàbura coladu, 11 de su mese santandria, Aristanis at presentadu “Ilab Food”, unu progetu pro s'agrialimentare sardu.

“Ilab Food” est unu progetu nàschidu pro suportare sas aziendas isulanas. Sa punna sua, difatis, est s'isvilupu de tecnologias e cumpetèntzias chi siant capassas de megiorare sas “performance” produtvias e cummertziales de sas realidades produtivas.

Ma a manera prus pretzisa, ite est “Ilab Food”? “Ilab Food” est su primu tzentru de cumpetèntzia de s'ìsula chi est spetzializadu in su setore agruindustriale. Naschet cun s'obietivu de favorèssere s'isperimentatzione produtiva, cummertziale e de sa distributzione e lu faghet interessande sas impresas de su sistema agrualimentare sardu.

Gràtzias a un'acòrdiu de importu fatu tra “Sardegna Ricerche” e sa Comuna de Aristanis, su progetu est istadu finatziadu cun duos milliones de èuros, e est istadu introduidu in su cuntestu de su “POR FESR Sardegna 2014–2020”, “Asse Prioritario I” “Ricerca scientifica, sviluppo tecnologico e innovazione”. “Ilab Food” previdit nas su recùperu de s'ex bochidòrju comunale e su mudamentu in tzentru de chirca.

Ma cale est su ruolu de “Sardegna Ricerche” in totu custu? Su ruolu de “Sardegna Ricerche” s'isbolicat in su cuntestu de su “POR”, chi l'at dadu su compitu de sogetu atuatore de sa “Linea 1.3.2”.

Su chi parret est ca custa rapresentat una ocasione meda importante pro sas aziendas sardas de s'agrualimentare. Difatis, tocat finas a sutalineare ca gràtzias a “Ilab” ant a èssere promovidos istrumentos de arrimu a sas ideas, s'impreu de su digitale e sa creatividade. No est totu, pro ite ant a èssere promovidas peri unas cantas camineras de isperimentatzione capassas de otènnere produtos agrifood innovativos. Faeddamus de produtos chi ant sa capatzidade de disafiare sos mercados territòriales e internatzionales.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22