Sighit su progetu #Mandigos

In sa Mesa - In sas iscolas sardas si torrat a faeddare de alimentos cun su progetu #Mandigos e cun sa campagna de educatzione alimentare chi ghiat sos iscolanos a s'iscoberta de aziendas e de atividades agrìculas de primore. Est a nàrrere ca pro sos iscolanos #Mandigos est un'oportunidade pro connòschere sos màndigos de calidade.

Su progetu #Mandigos est inditziadu dae s'Assessoradu de s'Agricultura e Reforma agropastorale de sa Regione Autònoma de Sardigna e fatu gratzias a s'"Agenzia Laore" cun s'agiudu de s'"Ufficio scolastico regionale", de sos assòtzios de categoria e de sos Cunsòrtzios regionales de tutela, est a nàrrere su Cunsòrtziu de "Denominazione di Origine Protetta "(DOP) e su de "Indicazione Geografica Protetta" (IGP) .

Unu traballu chi lompet a sa de tres fases. #Mandigos, difatis, a pustis de àere interessadu babbos e mamas, professores e professoras de sas iscolas sardas, pitzocos e pitzocas, s'indiritzat a sos pitzinnos e sas pitzinnas de sas iscolas elementares, chi ant a pòdere leare parte a sas fatorias didàticas pro imparare comente si coltivant e si trasformant sos alimentos e finas su ligàmine chi sos màndigos ant cun sa traditzione sarda.

Sas fatorias didàticas chi ant a leare parte a su progetu #Mandigos sunt iscritas in s'"Albo regionale della multifunzionalità delle aziende agricole e ittiche". Custas realidades ant a acasagiare 1.330 istudiantes in totu. Inoghe, sos pitzinnos e sas pitzinnas ant a pòdere connòschere sos produtos prus importantes de s'agricultura de Sardigna, comente su "DOP Olio extra vergine di oliva Sardegna", su "Zafferano di Sardegna", su "Carciofo spinoso di Sardegna", su "Pecorino Sardo", su "Pecorino Romano" e su "Fiore Sardo"; galu, paris cun sos alimentos de s'agricultura biològica, ant a connòschere finas sas IGP de Sardigna: sos "Culurgionis d'Ogliastra" e s'"Agnello".

Sas letziones in sas fatorias didàticas s'ant a concluire su 25 de su mese de maju 2022.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22