Sa batalla sena de fine de su trigu de su Senadore

In sa Mesa - Sa de su trigu de su Senadore, gosi est denumenadu su trigu Capelli, est una batalla sena de fine. Pro sa majoria de sos massajos, difatis, arare custa ratza de trigu no est cumbeniente, duncas sa produtzione nde sufrit.

Su trigu de su Senadore at costos artos meda. Sos costos sunt prus mannos de sos benefìtzios e costringhent sos massajos a coltivare àteras ratzas de trigu antigu.

Su Trigu Cappelli est unu produtu PAT de Sardigna ("Prodotto Agroalimentare Tradizionale"), est a nàrrere ca est reconnòschidu dae su "Ministero delle Politiche Agricole, Alimentari e Forestali".

Su trigu de su Senadore si distinghet dae sas àteras ratzas de trigu, siat de cussas coltivadas in Itàlia siat dae sas àteras ratzas sardas. Ma cale sunt sos critèrios calitativos chi distinghent su trigu Cappelli dae sas àteras ratzas de trigu? A lu distìnghere sunt: s'ìnditze de su glùtine; sas proteinas e s'abba lìbera.

Galu, su trigu Cappelli at unu granu allongadu a colore de pinadellu eu colore est bellu pèrpere. Tocat finas a pretzisare ca custa ratza de trigu est una variedade chi si sèmenat in atòngiu e chi si messat in su mese de trìulas. No est acabada inoghe, pro ite est importante sutalineare ca sa coltivatzione est fata cun sas màchinas a manera totale.

Su trigu de su Senadore est una ratza de trigu arta 180 tzentìmetros pagu prus o mancu. Pro la coltivare bisòngiat àere esperièntzia. Su massaju, difatis, devet èssere capassu de fàghere s'issèberu giustu de su terrinu, de sa cantidade de sèmene e finas de sa pràtica de su ledaminamentu.

A pustis de sa molidura, su granu de su trigu Cappelli faghet una sìmula chi at caraterìsticas de primore e est perfeta pro impastare sa pasta e pro fàghere su pane.

Sa ratza de trigu Cappelli est istada creada in su 1920 pagu prus o mancu, posca s'est difusa in Sardigna a manera lestra. In die de oe su trigu de su Senadore est coltivadu petzi in carchi regione italiana; difatis l'agatamus in Puglia e in Basilicata.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22