Santu Srebastianu torrat a oberri su bratzu de sa tortura

(IlMinuto) – Casteddu, 26 de su mesi de totussantus - "Su terzu bratzu no est atesu de sa torura", e si a ddu nai est su fiantzeri de is diritus de is presoneris de su presoni de Santu Srebastianu ddoi at de atuai. Agoa de is sólitus problemas de "sovraffollamento", difatis, sa diretzioni at torrau a oberri is tzeddas de su terzu bratzu chi rapresentat unu logu galu peus de sa mantessi istrutura de su penitentziàriu: de is murus iscroxolaus po mori de s'umidadi, a is letus apillaus fintzas a s'impossibilidadi de una calisisiat forma de privacy cun gabinetu "iscrobau" de sa tzedda de unu simpli cóncula. Su ai torrau a oberri sa setzioni at torrau a allui is protestas de is presoneris chi sighint sa própriu mobilitada aintru de su presoni po pediri a su guversnu s'annistia e su diritu a su votu po is eletzionis benientis. Impari a s'isciòpiru de su fàmini e de su sidi, cida passada is presoneris iant adobau po mes'ora e prus asuba de is traessas po si fai intendi apitzus de s'acontéssia chi de annus ocupat is pàginis de is giornalis ma a cantu parrit chi no est in s'azenda política de is istitutzionis.

Fotografia de marcozanon. Pigada de Flickr