Acuntéssia Cuirra: Zuncheddu "bunífica e recuberu ambientali de is logus impestaus"

(IlMinuto) – Casteddu, 2 de su mesi de arbili - Torio 232 e Cerio in is ossus de is 12 cadaveris torraus a bogai de sa tumba. De is spricullitus de su procuradori de sa Repúbrica de Lanusèi Domenico Fiordalisi, s'impestadura mortali filla de is belenus de su Pisq, est sèmpiri prus maba. Asuba de sa chistioni, fueddat atressu de una nota de imprenta, su consilleri indipendentista Claudia Zuncheddu, "Sa fini de is spricullitus de su Procuradori de Lanusèi Domenico Fiordalisi apitzus de s'acuntéssia Cuirra, ponint un'àtera borta a sa política, sa netzessidai de si movi primu de totu cun sa bunífica [...] de is logus impestaus". "Sa bunífica - sighit Zuncheddu - est a oi s'únicu aficu de traballu limpiu po sa genti de su logu, chentza de custa sa mantessi messarítzia e pastoria funt cundennadas a morri po mori de s'impestadura".