Produtziones DOP: issèberu de sos casifìtzios pro adòbios de promotzione

In sa Mesa - S'"Agenzia Laore Sardegna" at cunvocadu s'issèberu de sos casifìtzios chi cherent organizare addòbios de promotzione pro sas produtziones a marcu de tutela DOP, est a nàrrere a "Denominazione d'Origine Protetta".

Sos addòbios de aprontare sunt tres e s'ant a dèvere isboligare in sos meses tra su mese de trìulas e su mese de nadale de su 2022.

Sos casifìtzios sardos chi ant a organizare sos addòbios devent èssere tres. Tres comente su nùmeru de sos adòbios etotu.

Onni casifìtziu devet dare sa disponibilidade sua a acasagiare atividades de promotzione de sas produtziones de Sardigna cun marcu a "Denominazione d'Origine Protetta": "Fiore Sardo DOP", "Pecorino Sardo DOP" e "Pecorino Romano DOP".

S'initziativa aprontada dae s'"Agentzia Laore Sardegna" previdit feti addòbios riservados a sos operadores ispetzializados in su setore de sa ristoratzione, a sos giornalistas enogastronomicos, a sos "foodblogger" e a sos "youtuber" chi ant rilevàntzia internatzionale ma finas italiana. Sos chi ant a leare parte a sos addòbios ant a àere sa possibilidade de aprofundire sa connoschèntzia de onni casu, ma finas de sas realidades produtivas. L'ant a fàghere pro mèdiu de "educational tour", est a nàrrere caminos gatronomicos e de atziones de informatziones dislindadas.

Sas realidades produtivas de Sardigna chi faghent casu devent imbiare sa manifestatzione de interessu issoro pro organizare e acasagiare sos tres addòbios. Su documentu si devet imbiare a s'"Agenia Laore Sardegna" intro e no ultres su 10 de su mese de làmpadas de su 2022.

Sa manifestatzione de interessu devet èssere faghida sighende sas cunditziones e sas modalidades indicadas in su bandu.

Su bandu est atzessibile incracande custu link.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22