Iscola sarda e alimentatzione: s'importàntzia de sos màndigos

In sa Mesa - S'importàntzia de su chi si màndigat in s'iscola at a èssere su tema de su “webinar” chi s'at a isboligare cras, chenàbura 11 de su mese freàrgiu 2022.

S'addòbiu naschet pro sutalineare ca sa ristoratzione iscolàstica devet èssere de calidade. Sa Sardigna at una cultura enogastronomica e una biodiversidade agroalimentante importante. Difatis, est pròpiu a sa Sardigna e a sos produtos suos chi abbàidat s'addòbiu online.

Su “webinar” dedicadu a s'iscola e a sa ristoratzione at comente tìtulu "Costruiamo insieme un servizio di ristorazione scolastica di qualità e sostenibile" e est organizadu dae s'"Angenzia Laore Sardegna" paris cun sa Comuna de Cal 'e Seda e s'"Azienda della Tutela della Salute" de Crabònia.

S'addòbiu pro faeddare de iscola e alimentatzione at s'obietivu de promòvere una ristoratzione iscolàstica chi siat sana, atenta a su territòriu e massimamente chi siat sustenìbili pro s'ambiente, pro sa sotziedade e pro s'economia.

Durante su webinar s'at a chistionare finas de sa predispositzione de unu capituladu de apaltu pro s'achisitzione de servìtzios de ristoratzione chi devent àere produtos agru-alimentares de calidade, a chilòmetru zeru e biològicos.

Podent leare parte a "Costruiamo insieme un servizio di ristorazione scolastica di qualità e sostenibile" sas mamas e sos babbos de sos istudiantes sardos, sos insegnantes, sos gestores, sos frunidores, sas impresas agrìculas, sas fatorias didàticas, sos assòtzios e finas totus sos chi sunt interessados a promòvere una ristoratzione iscolàstica chi leat cunsideru: sa salude, su territòriu, s'ambiente, s'economia e sa sotziedade.

S'addòbiu online "Costruiamo insieme un servizio di ristorazione scolastica di qualità e sostenibile" s'at a isboligare in sa prataforma "ZOOM" e at a incumentzare a sas 9.30. S'at a pòdere atzèdere a su webinar carcande in custu link.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22