Crisi ìdrica in Baronia. In Thiniscole cando b'est no est potàbile
In Thiniscole b’at emergèntzia manna pro s’abba. Su bonu de sa tzitadina baroniesa, non de bi l’àere a dies bàrigas ebbia (cosa chi gasi fintzas pro Pasada, Budune, Santu Diadoru e unas cantas fratziones de Torpè), como no la poset nemmancu impreare cando b’est. Est de pagas oras s’ordinàntzia de su sìndigu Gianluigi Farris narende chi no est idònea pro sos impreos alimentares. Paràmetros chìmicos in foras de norma chi s’annanghent a una situatzione prus chi non dìliga. Isetende chi proat. Ma mescamente chi fatzant sos interventos pro non nche nd’ispèrdere.
© RIPRODUZIONE RISERVATA