Zuncheddu, sa violèntzia contra mèigos e infermieris «no est petzi chistione de òrdine pùblicu»

«Sa crèschida de sa violèntzia contra a sos mèigos e infermieris no est petzi chistione de òrdine pùblicu». A lu nàrrere est sa boghe de sa “Rete Sarda Difesa Sanità Pubblica” Claudia Zuncheddu. «Sa violèntzia contra a su mèigu Roberto Sollai, chi li damus solidariedade manna – annanghet Zuncheddu – devet iscatzulare sa cussèntzia de sos tzitadinos e de sas istitutziones. Non giuat a invocare ebbia sas fortzas de s’òrdine. Sa prima seguresa est a fàghere a manera chi sos servìtzios siant efitzientes assumende personale e garntende retributziones dèghidas».