Isport, s’istajone noa de su Cus de Casteddu

Est comintzende s’istajone isportiva noa de su Cus de Casteddu. Prevìdida in su campus de Sa Duchessa un’oferta chi cunfirmat deghe setores: atlètica lèbia, basket, fùbalu, canoa (in su polo nautico in via dei Calafati a Cagliari), futsal, hockey de pradu, ischerma, tennis, triatlhon (in su tzentru isportivu nou Molentargius-Saline in carrera de Perda Bona 22 in Quartu) e volley. In agiunta finas su multisport, riservadu a pitzinnos dae sos 3 a sos 5 annos. Cunfirmados fintzas sos torneos isportivos comente sa “Coppa Rettore” e “Ateneika”, su fèstival de isport e mùsica chi a s’editzione, s’ùrtima, de làmpadas, b’at andadu prus de 10mìgia persones, in Sa Duchessa.

Fonte immàgine magazine.unica.it