Confartigianato: «Sas produtziones nostras faghent bene a s’economia e a sa salude»

In Sardigna b’at 243 produtos agroalimentares traditzionales cun mètodos de aprontu, cunservatzione e istajonadura chi faghent parte de su connotu: 85 intre macarrones e tipos de pane, 63 produtos vegetales, 21 tipos de casu, 20 produtos de orìgine animale, 18 tipos de petza, 15 intre pisches e molluscos, 12 produtos de gastronomia, 7 bevandas e distillados, unu tipu de grassu e unu de cundimentu. De prus, bi nd’at 8 reconnotos dae s’Unione europea cun marcos Doc, Igp e Stg: s’angione, sa cartzofa ispinosa, is culurgionis ogiastrinos, su Fiore Sardo, su Pecorino Romano, su Pecorino Sardo, s’ògiu e su tzaferanu. Cunforma a su raportu Confartigianato Sardegna, movende dae sos datos Ista, sa Sardigna at registradu su nùmeru prus artu de operadores agroalimentares tzertificados Dop, Igp e Stg: 15.440, est a nàrrere su 19% de su totale italianu. E semper Confartigianato narat chi «sas produtziones nostras faghent bene a s’economia ma finas a sa salude» in contu de intolleràntzias alimentares e obesidade. Inoghe in suta su comunicadu intreu in italianu.