Unu cursu de limba sarda in Pasada

S'Ufìtziu linguìsticu de su Monte Arvu organizat in Pasada, in sa Sala consiliare de su Comune, in carrera de Garibaldi, su segundu cursu de limba sarda de s’annualidade. Dae su 28 de austu a su 30 de santugaine, cada mèrcuris a sas chimbe e mesu de sero, b'ant a èssere deghe addòbios cun proa finale. Custu cursu at a mòvere dae sos registros narrativos e literàrios a pustis de su primu in contu de fonologia, morfologia, sintassi e istòria de sa limba nostra. Su maistru at a èssere s'operadore de isportellu Mauro Piredda, espertu de limba sarda, giornalista e tradutore Pro si marcare tocat a imbiare una mail a cultura.unionemontalbo@gmail.com inditende: nùmene, sambenadu e nùmeru de telefoneddu pro sos cuntatos de grupu. Pro cada informatzione podes telefonare a su 0784 878648 internu 5, dae sas 8.30 a sas 13 onni die francu su sàbadu.