Includis, publicadu s'avisu 2024 pro sas persones cun disabilidade
Publicadu s'avisu Includis 2024 in contu de progetos de inclusione sotziale e de traballu pro sas persones cun disabilidade. Obietivu de s'avisu est su de promòvere in totu su territòriu regionale s’acumprimentu de unu sistema articuladu de servìtzios pro s'acumpangiamentu de persones cun custas cunditziones: istorbu mentale o autismu (in càrrigu a sos dipartimentos de salude mentale e dipendèntzia, a sos tzentros de salude mentale e a sas U.o. de neuropsichiatria infantile e de sa pitzinnia); disabilidade mentale/intelletiva e/o psìchica (in càrrigu a sos servìtzios sotziales o sòtziu-sanitàrios); disabilidades reconnotas cunforma a s'art. 3 de sa lege 104/92. Benefitziàrios sunt sos assòtzios temporàneos de iscopu costituidos o costituende·si intre sos entes gestores de sos àmbitos Plus de sa Regione e sos entes pùblicos e/o sas organizatziones de su de tres setores. Sa pregonta cheret presentada intro de su 29 de santandria de ocannu petzi in via telemàtica pro mèdiu de su Sil - sistema informativu de traballu lompende·nche a s'indiritzu www.sardegnalavoro.it