Ctm, prorogados sos abbonamentos

Pro permìtere a totu sos istudiantes de comporare o annoare s’abbonamentu, s’iscadèntzia de sos annuales Ctm l’ant prorogada dae su 31 de austu a su 31 se santugaine. Su Ctm Point de arburada de Trieste, finas sa data de iscadèntzia noa, est abertu dae su lunis a sa chenàbura dae sas 8 e cuartu a sas 6 de sero. Intrende·nche a https://ctmcagliari.kioskbuk est possìbile a prenotare un’apuntamentu. De prus, est a disponimentu unu isportellu pro sos abbonamentos cunforma a s’òrdine de arrivu. Infines est possìbile a pedire s’abbonamentu istudiantes “prima emissione” o su rinnovu on line dae s’app Busfinder sena si presentare a su Ctm Point. Est bastante a si registrare in su situ web www.ctmcagliari.it imbiende sa documentatzione rechesta e isetare sa mail de cunfirma. Una bia retzida, dae su primu de cabudanni, s’at a pòdere achistare s’abbonamentu dae Busfinder.