In Loceri, Lanusè e Irbono s’editzione 2024 de Sardegna Accessibile

Loceri, Lanusè e Irbono. Est in custas tres biddas chi ocannu ant fatu s’editzione 2024 de Sardegna Accessibile, progetu de s’Irifor de Nùgoro chi at interessadu 30 persones intre tzegos e ipovedentes colende·si unas cantas dies in mesu de sa cultura, de sa traditzione e de sas galanias de su logu. Is chi b’ant pigadu parte ant pòdidu aprontare is culurgiones e is malloreddus, ma fintzas pònnere is manos issoro in su telàrgiu e in sa terra pro fàghere sa tzeràmica. De prus, in programma bi fiat una bìsita a su museu etnogràficu “Sa domu ‘e s’olia”, a su museu “Vecchi frantoi”, a is parcos archeològicos de Scerì e Seleni e a àteras atratziones. Cuntentu mannu Gianni Marongiu, presidente de s’Irifor de Nùgoro. «S'atzessibilidade est su primu recuisitu pro pòdere faeddare de turismu». Su progetu est finantziadu dae sa Regione e dae sa Fondazione di Sardegna.