Cooperatzione e isvilupu, progetos intro de su 31 de trìulas

Aprovadu e publicadu s’invitu a presentare propostas progetuales pro sa seletzione de sos interventos 2024 de cooperatzione a s’isvilupu ("Norme in materia di cooperazione con i Paesi in via di sviluppo e di collaborazione internazionale"). Sa prioridade – leghimus in su situ de sa regione – l’ant a dare «a initziativas chi punnet a promòvere un’agricultura sustenìbile, a megiorare s’atzessu a s’abba neta, a s’energia, a sos servìtzios de base e a s’istrutzione, a promòvere su traballu in sa dignidade, a cuntrastare sas formas de violèntzia, a afortire sos servìtzios sanitàrios». Podent presentare sa dimanda sos Entes locales fintzas assotziados, sas Universidades, sas Ong reconnòschidas dae su ministeru de sos Afàrios èsteros, sas organizatziones de voluntariadu de su registru Runts. Sas dimandas cherent imbiadas intro de su 31 de trìulas a s'indiritzu presidenza.dirgen@pec.regione.sardegna.it. Pro àere info prus a minudu est possìbile a iscrìere a sipilleri@regione.sardegna.it o a mcrotti@regione.sardegna.it