Emergèntzia tzilibirche, 4 milliones de èuros dae sa Regione

«Est un’emergèntzia chi cheret afrontada cun s’urgèntzia màssima, cun mèdios e cun resursas adeguadas». Est su chi at naradu su presidente de sa Giunta regionale Christian Solinas annuntziende sa delìbera de s’esecutivu pro su cuntrastu de su tzilibirche (Dociostaurus maroccanus) chi a su presente est interessende sas 26 biddas de Anela, Austis, Benetuti, Bidoniu, Bono, Bortigale, Bòtidda, Duarche, Golothene, Isporlatu, Illorai, Lei, Noragùgume, Nughedu Santa Itòria, Ortzai, Onieri, Orane, Oroteddi, Otzana, Sarule, Sèdilo, Silanos, Sorradile, Su Burgu, Teti e Urtei. «Amus potentziadu s’unidade operativa - at annantu Solinas -. Su pianu de cuntrastu l’amus a acumprire collaborende cun sos sìndigos e sos assòtzios agrìculos». Istantziados 4 milliones de èuros.

M.P.