Unica e sa “Sustainable Transport Infrastructures”
Terra - Unica, s'Universidadi de is Istùdius de Casteddu, at aprontau sa “Sustainable Transport Infrastructures”. A ghiai sa diri de istùdiu at èssiri su Dipartimentu de “Ingegneria civile, ambientale e architettura”.
S'atopu est fissau po lunis 13 de su mesi de idas in s'àula magna de “Ingegneria”, in su polu universitàriu chi s'agatat in arruga Marengo in Casteddu. Su “Sustainable Transport Infrastructures” est aprontau de su “Gruppo Infrastrutture di Trasporto” de s'iscuadra de su Dicaar, est a nai de Mauro Coni, Francesco Pinna Francesca Maltinti, Silvia Portas, Nicoletta Rassu, James Rombi, Marta Salis, Marco Olianas e Andrea Serpi.
Intre is àterus ant èssiri protagonistas de s'“International Conference”: Cristina Trois (chi est “Full Professor in Environmental Engineering and South African Research Chair in Waste and Climate Changeat University of KwaZulu-Natal" in sa "Head of School of Civil Engineering, Survey and Construction”) e su “keynote speaker” Imad Al-Qadi (chi est “Bliss Professor of Engineering, Director of the Advanced Transportation Research and Engineering Laboratory - ATREL -, in su "Illinois Center for Transportation (ICT) and the Smart Transportation Infrastructure Initiative" e in su STII de s'"University of Illinois at Urbana Champaign - UIUC").
Giorgio Masacci de su Dicaar at a oberri is traballus de sa “Sustainable Transport Infrastructures”, agoa ant a fueddai puru Massimo Losa, Mauro Coni, Gianluca Cocco, Paolo Mereu e Silvia Portas.
S'“International Conference Sustainable Transport Infrastructures” s'at a isboddiai in modalidadi ammesturada, est a nai in presèntzia, respetendi is règulas anti-Covid19 , e on-line, intrendi in sa piataforma Microsoft Teams.
Is ingegneris e is geòlogus chi ant a pigai parti a s'atopu ant a podi otèniri duus crèditus. Is crèditus ant èssiri ùtilis po s'iscritzioni a is òrdinis profesionalis.
Attività realizzata col contributo della Regione Sardegna - IMPRENTAS 2020-2021. LR 22/2018, art. 22
