Su Carignano de su Surcis in is Usa a su costau de Aie

(IlMinuto) – Casteddu, 9 de su mese de nadale - Meta big spender USA po su Carignano de su Surcis chi de s'8 a su 10 de su mese de nadale bolat a Boston e Chicago po una frimada noa de su progetu promotzioni ‘Carignano in the World’ a su costau de Aie (Associazione Italiana Export).

Duus is atopus po giornalistas, blogger, distribudoris e opinion leader americanus de su cumpartu po iscobèrriri, atressu de unu caminu ghiau de abinamentus cosa de papai-binu, is cincu prodotus de punta de su Consòrtziu.

S'est partiu lunis 8 de su mese de nadale de sa Boston Symphony Hall cun is abinamentus presentaus de s'editor The Tasting Panel Magazine e SOMMjournal, David Ransom, po sighiri mèrculis 10 de su mese de nadale a s'Eataly’s Baffo Restaurant cun su lunch ghiau de su wine writer Tom Hyland. Intre in cumbidaus is giornalistas Mary Ross (Chicago Herald e Wine Columnist) e Becky-Sue Epstein (Intermezzo Magazine e Palate Press) puru.

Obietivu de sa cosa – chi s'insertat in su progetu de promotzioni de tres annus de su Consòrtziu fatu de is cantinas Mesa, Calasetta, Santadi, Agripunica e Sardus Pater – est afortiai sa presèntzia in su mercau americanu de unu prodotu de "nicchia" (1,6 mln de ampulla prodùsias, agualis a su 0,02% de sa produtzioni italiana) ma puru de identidadi territoriali forti e in is ùrtimus annus in pesada manna.

A oi su Consòrtziu Carignano de su Surcis - atressu de su pranu triennali de mln di eurus ‘Carignano in the World’ – at fatu 20 avenimentus e prus po is mercaus de Cina, Istati Unius, Giapponi e Russia, cu d-un'investimentu de 1 milioni de erurus e prus in is primus annus de promotzioni.

Su binu tipicu de su territòriu sud-otzidentali de sa Sardigna, fatu de bingias antigas chi lompint a 150 annus de edadi, faturat a oi 9 milionis de eurus, de custu su 30% a foras de sa Sardigna