Paraìmpiu linguìsticu e culturali, in Casteddu is seminàrius de amaistramentu

(IlMinuto) – Casteddu, 22 de su mesi de totussantus - S'at a sboddiai sàbudu 23 de su mesi de totussantus in arruga Lianora de Arborè 10, in Casteddu a cumentzai de is 8.30 su seminàriu de amaistramentu po fai su paraìmpiu linguìsticu e culturali aprontau de s'Assòtziu Culturali Alfabetu de su Mundu. Su seminàriu, acapiau a su progetu "Legalidadi chentza làcanas", at a afrontai temas diversus e de importu mannu chi ant a fuddeai de sa cultura araba, de is minoris furesteris, de su diritu de s'imigratzioni, e at a chistionai de is paticularidadi puru de is chi traballant in assistu familiari, e de is diversus tipus de permissus po abarrai innoi. Su seminàriu est a gratis po is operadoris sotzialis chi traballant cun is presoneris furesteris. Is àterus chi ant a pigai parti a sa cosa imbecis, ant a depi donai una cuota de autofinatziamentu po agiudai is spesas de aprontantamentu e gestioni. Po pigai prus scedas asuba de su programa e apitzus de su regolamentu de su cursu tocat a scriri un'e-mail a info@alfabetodelmondo.it o tocat a telefonai a is nùmerus: 3312854727; 3474103290; 3494140299.

Fotografia de Claudia Stritof. Pigada de Flickr