Pràtiga e teoria in su cursu nou dedicau a is cosas chi si prantant me is ortus

(IlMinuto) – Casteddu, 10 de su mesi ladàminis - Est po is aziendas "orticole", po is agriturismus, po is fatorias didàticas e poi is giòvanus disimperaus de su territòriu su cursu promòviu de s'Agentzia Laore Sardigna chi s'at a isboddiai de sa fini de su mesi de ladàminis in Macumère. Iscopu de sa proposta est donai unu cuadru de is notzionis principalis po gestiri beni is pràtigas "agronomiche" pròprias de su cultivu de is fugimentas, cun s'obietivu - si pretzisat in d-una nota - "de incidai a is imprendidoris a amanniai sa produtzioni [...] netzessària po agiudai s'aumentu de sa dimanda sèmpiri prus manna". Su totu avalorendi sa "filiera corta" e sa béndida direta. Su cursu de 15 letzionis, at a aghilliri 30 participantis e at a cumentzai de su 22 de su mesi ladàminis. Po pigai prus iscedas e po pigai parti tocat a cuntatai su Portellitu Ùnicu Territoriali de Macumère po su tretu de su Màrghine in cursu Umbertu n. 226 o telefonai a su nùmeru: 0785 71089.