"Frimaus a Mario Monti". Cras in Casteddu su corteu promòviu de su Csf

(IlMinuto) – Casteddu, 26 de su mesi de ledàminis - "Nci podis crei o no ma Mario Monti s'est aganghendi". Comintzat cun custus fueddus su comunicau fatu connosci de su Casteddu social forum chi pròmoviri sa manifestada in programa in su meigama de cras 27 de su mesi de ledàminis. Unu corteu chi at a tucai de is 16.00 in pratza Costitutzioni po lompi asuta de is pórcius de su Consillu regionali in bia Roma, in Casteddu. A s'initziativa de su Csf ant decidiu de ndi pigai parti - donniuna cun su própriu pentzu - diversu assótzius e organizatzionis políticas chi funt contra a su Guvernu Monti. "De su mesi totussantus de su 2011 - si ligit in su comunicau de imprenta de su Casteddu social forum – teneus unu guvernu determinau de sa Bce, de sa Comissioni europea de su "Fondo Monetario" Internatzionali e de Napolitano (ti torrat de ai eligiu calencunu in custus organismus chi si narant a chini si depit guvernai e comenti?). Is arretzetas económicas chi ant agangau a sa Grecia, ant a agangai a nos puru comenti agant de dexennius a s'Africa e a s'Asia […]. Nos seus innoi po nai ca eus cumprendiu e ca no aprovaus!."