Cuirra. Su Gup arrafudat sa costitutzioni de parti civili de Sni, Gettiamo le Basi, Su Zassu, Wwf

(IlMinuto) – Casteddu, 20 de su mesi de argiolas - Furiat su 20 de su mesi de làmpadas de su 2012 candu po s'udiéntzia preliminari po su protzessu contra a is 20 speculitaus po is belenus de Cuirra, Sni impari a Gettiamo le Basi, a Su Zassu e a su Wwf si furiat costituia parti civili in difesa de is sardus e de su territóriu de Cuirra atressu de s'abogau Chicco Paolini. Est de pagu diris fait su derteminu marigosu de su giugi de udiéntzia preliminari. Su Gup, difatis, at arrafudau sa costitutzioni de parti civili de Sni, Gettiamo le Basi, Su Zassu, Wwf e àterus movimentus ambientalistas poita no funt trisinaus inderetura in is fatus ogetu de giudítziu.

Sardigna Natzione Indipendentzia - si ligit in d-una nota de imprenta - "pentzat ca su Gup, no reconoscendi su trisinamentu diritu de dógnia tzitadinu sardu in su pregiuditziu a sa saludi fillu de s'impitu illegali de su territóriu de parti de su poligonu de Cuirra, apat fatu dannu mannu a su diritu a sa saludi de dógnia cristianu comenti [...] su diritu de is sardus, de oi e de cras, de amparai a su territóriu insoru". Prusaprestu Sni no mollat e s'at a costituiri torra parti civili in su mamentu de su protzessu.