In Otzàna unu cunvegnu po amentai Sa Die de sa Sardigna e is erois de Palabanda

(IlMinuto) – Casteddu, 24 de su mesi de arbili – Otzàna afestat "Sa Die de sa Sardigna" cun d-unu cunvegnu de títulu "Dae sos motos antifeudales e sas tancas serradas a su connottu". S'avenimentu culturali, aprontau de s'assessorau a sa Cultura de su comunu in provìntzia de Nùgoro, est apogiau de s'Assessorau a su Turismu de sa Regioni Autónoma de Sardigna. S'atopu est po oi a is 17.30 in su tzentru "polivalente" Emilio Lussu. Is traballus at essi obertus de s'interventu de Paola Mereu "Sa sarda rivoluzione e Giomaria Angioy". At a sighiri Tonino Bussu cun su cuntributu "Sas tancas serradas e sa chistione de sa terra", mentris at a acabai Teresina Serra cun su relatu "Sas causas de sos motos de su Connottu". S'atopu in amentu de sa festa de su liberamentu de su pópulu sardu at essi allirgada de is sonus de is Talinos de Otzàna.