Parchegius in Cuartu. Comitau “Basta strisce blu!”: “Unu referendum tzitadinu po nai ca no a su Pranu Frimada

(IlMinuto) – Casteddu, 27 de su mesi de cabudanni - Amanniat in Cuartu Sant'Aleni s'arrepellada a su Pranu Frimada de sa Giunta Contini. Gióbia 29 de su mesi de cabudanni (18.30, Saba Michelangelo Pira) su Comitau tzitadinu "Basta strisce blu" at a presentai sa petitzioni populari giai incarrerada e at a propòniri de fai nai a is cuartesus a ita ndi pentzant de su Pranu cun d-unu referendum tzitadinu. Cun su Pranu Frimada nou - acrarat su Comitau - su númeru de is parchegius a pagamentu in Cuartu Sant'Aleni at essi multiplicau po tres, cun cusseguéntzias craras po is buxacas de chini ghiat. In s'atopu ant essi donaus is adesivus "Basta strisce blu" - de apicigai in is màchinas - e s'at a chistionai de "disubidéntzia tzivili".