"Testimónias e opinionis asuba de su Poligonu de Quirra": sàbudu in Ballao dibbàtidu de sa Provìntzia de Casteddu

(IlMinuto) – Casteddu, 14 de su mes''e arbili - "Costruiamo un’alternativa! Idee nuove per il Salto di Quirra". Custu su títulu de su dibbàtidu aprontau de sa Provìntzia de Casteddu po sàbudu chi benit in Ballao (Domu Olla, 10.00). "In su mentris chi sighint is spricullitus de sa Procura de sa Repúbbrica de Lanusè asuba de s'impestadura ambientali e asuba de is dannus grais a is personis - si ligit in d-una nota de imprenta - chi su prus de sa genti pensat essi fillus de is esperimentus de is armas in su Poligonu de Quirra, sa Provìntzia de Casteddu at decídiu de fai unu dibbàtidu asuba de sa chistioni". Funt cumbidaus a participai a s'atóbiu - e a espressai "testimónias e opinionis asuba de sa chistioni de su Pligonu" - is citadinus, is amministratzionis comunalis, is diversus cumitaus nàscius in su territóriu de Quirra e de su Sarrabus, is parlamentaris sardus, is consilleris e sa Giunta regionali.