"Sindrome de Quirra". Irs "Pes ambígua asuba de s'atividadi de su Poligonu de Capo San Lorenzo"

(IlMinuto) – Casteddu, 10 de su mes''e martzu - "Ispantu": est stetia custu su motu de Irs Aristanis candu at ligiu is declaras fattas de pagus diris fait de su deputau de su "Partito Democratico", Caterina Pes, declaras asuba de s'agatada, de parti de sa Procura de Lanusè, de is cascittas prenas de uraniu impoveriu arricau in s'area de su Poligonu Interforze de Capo San Lorenzo. Si immoi - denunciat su movimentu indipendentista - Pes "disigiat un'impignu cuncordiosu in su cúmpudu de sa beridadi de parti de sa política sarda e de cussa italiana e ddu bolit po torrai a stabbiliri su diritu e sa legalidadi", in su 2008 sa parlamentari democràtica pediat - cun d-un'interrogatzioni Pd a firma Fadda, Marroccu, Melis, Schirru, Calvisi, Lulli e, Pes etotu - "a boxi arta s'ammanniamentu de sa basi de Quirra e acapiau a custu pediat de torrai a pigai is esercitatzionis e is sperimetatzionis militaris". "S'ambiguidadi de is partidus italianus in Sardigna - cummentat Irs - est craru craru e s'ammostat [...] candu is interessus natzionalis de sa Sardigna e de s'Itàlia s'escluint a pari".