"Io la scienza la vedo così": a sa III editzioni su cuncursu a prémius de "Sardegna Ricerche"

(IlMinuto) – Casteddu, 10 de su mes''e paschixèdda - Arribbat a sa terza editzioni "Io la scienza la vedo così", su cuncursu a prémius bófiu de "Sardegna Ricerche" e obertu a is iscolas primarias e segundarias de primu e segundhu gradu de totu sa Sardigna. A su cuncursu podint participai, atressu de iscritzioni fatta intru de su 25 de su mes''e fiàrgiu de su 2011, síngulus scientis o classis intreas. Si podit participai - si ligit in d'una nota - "cun disignus, pinturas, sculpiduras, videu, temas, poesias, contus e cun dógnia cosa chi consillat sa fantasia". Is traballus ant a depi essi arribbai in Sardigna Ricerche intru de su 31 de su mes''e marzu 2011. Custus is temas previdius de su regulamentu de su cuncursu: s'importàntzia de sa sciéntzia, su mestieri de s'istudiosu, sa diffusioni de sa cultura scientífica, su Parcu tennologicu de sa Sardigna.

Su cuncursu si sboddiat in tres setzionis: Setzioni Iscola primaria, Setzioni Iscola segundaria de I gradu e Setzioni Iscola segundaria de II gradu. Una setzioni ispeciali de su cuncursu, a cura de su CRS4, esti stetia fatta po is iscolas superioris e tenit comenti títulu "Inventa la mascotte del Parco scientifico e tecnologico". Su progetu bincidori at a podi essi pigau comenti mascotte uficiali de su Parcu po is atividadis de divulgamentu scientíficu.