In Monte si faeddat de "Vermentino di Sardegna DOCG"

In sa Mesa - S'isbòligat oe, lunis 3 de su mese de ledàmine 2022, su primu addòbiu pro costituire su "Distretto agroalimentare di qualità del Vermentino di Sardegna DOCG". S'istitutzione e sa disciplina de sos "Distretti agroalimentari di qualità" est normada dae sa Regione Autònoma de Sardigna cun sa lege n. 16/2014.

Sa bidda gadduresa de Monte at acasagiadu s'addòbiu de animatzione territoriale organizadu dae su "Consorzio di Tutela del Vermentino di Gallura DOCG" cun s'agiudu de s'"Agenzia Laore Sardegna".

Durante s'addòbiu, chi at a incumentzare a sas 10.00, in sa sede de su "Consorzio di Tutela del Vermentino di Gallura DOCG - Enoforum" in carrera Sa Murighessa, ant a èssere incraridas sas oportunidades e sos avantàgios chi derivant dae su reconnoschimentu de su "Distretto agroalimentare di qualità del Vermentino di Sardegna DOCG".

S'àrea de produtzione de su Vermentinu, ùnica DOCG (est a nàrrere "Denominazione di Origine Controllata e Garantita) de Sardigna, est caraterizada dae una presèntzia econòmica importante e dae una connessione produtiva tra sas impresas agru-alimentares. S'àrea, duncas, at totus sos rechisidos pro si furriare in "Distretto agroalimentare di qualità del Vermentino di Sardegna DOCG".

Ant a leare parte a su "forum" de inghitzu de su protzessu partetzipativu: sa dotora Daniela Pinna, Presidente de su "Consorzio di Tutela del Vermentino di Gallura DOCG" e mente de su comitadu promotore (Capofila Comitato Promotore); sa professora Graziella Benedetto, dotzente de "Economia Agraria e Marketing dei prodotti agro-alimentari" in su Dipartimentu de Agrària del s'"Università degli Studi di Sassari"; sa dotora Giuseppina Cireddu, diretora de su "Servizio sviluppo dei territori e delle comunità rurali" de sa Regione Autònoma de Sardigna; su dotore Italo Guddelmoni, referente territoriale de su "Servizio di Sviluppo Rurale - Agenzia Laore Sardegna".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22