“Save the green” in Casteddu, muros e pontes projetados in sa tzine-rassigna de su Gramsci

Movet dae sa dicotomia muros-pontes sa de chimbe editziones de su tzircùitu “Save the green” promòvidu dae sa Ficc, federatzione italiana de sos tzìrculos de su tzìnema e chi, su 6 e su 27 de onniasantu, proponet duas projetziones in Casteddu, in su tzìrculu Antoni Gramsci de carrera de Carlo Baudi di Vesme 67. Sa prima est “Le cicogne di Chernobyl” de Karim Galici (cun sa presèntzia de s’autore e de seu produtore esecutivu Giuseppe Carboni). Sa pellìcula contat s’acollièntzia de sos pitzinnos de su “Progetto Chernobyl” dae parte de famìlias italianas. Sa segunda projetzione (ambas duas suant a sas 8 de sero) est sa de “Kripton” de Francesco Munzi, istòria de des pitzocos intre sos 20 e sos 30 annos ricoverados in duas comunidades psichiàtricas de sa periferia romana e in gherra cun istorbos de sa personalidade e istados de alteratzione.