Pratobello 24, sa regorta est comintzda in sos apendìtzios e in sas burgadas de Tàtari

In sos apendìtzios e in sas burgadas de Tàtari est comintzada sa campagna de regorta de sas firmas pro sa lege de initziativa populare “Pratobello 24”. Sa campagna locale, promòvida dae s’assòtziu Sa Domo de Totus, at bidu sa partetzipatzione de su comitadu “Tutti uniti per Ottava” e de sa cussigera comunale de “Sassari Progetto Comune” Martina Marongiu, chi at naradu: «Penso chi su primu messàgiu pertochet su bisòngiu de partetzipatzione, de democratzia reale». Sa regorta l’ant pòdida aprontare gràtzias a s’agiudu de don Tonino Sassu, chi at postu a disponimentu s’oratòriu de sa parròchia de su Santìssimu nùmene de Cristos.