Àreas idòneas, sos inditos de unos cantos comitados. E su de Mauro Pili

In contu de s’addòbiu de oe cun sa Regione, cunvocadu gianteris ebbia pro chistionare de “àreas idòneas”, sos comitados de Gaddura, Sarcidanu, Uta, Orane, Orgòsolo, Mamujada e Baronia, torrant a nàrrere sos tretos pro bi pònnere fontes de energias rinnovàbiles devent èssere: sas chi sunt giai impermeabilizadas (cun asfaltu e tzimentu), sas coberturas de totu sos fràigos, sas chi sunt a costàgiu o pertinentes a artèrias viàrias.

In contu de revamping o repowering non bi devet àere incrementu de artària e nemmancu ocupatzione de terrinu. In sos social b’at chie est narende chi su de b’andare est unu tzedimentu. Sighit in su mentres s’inditu de Mauro Pili (in su profilu suo de “sardo libero” e non de giornalista de s’Unione) chi non bi nd’at de àreas idòneas, e chi duncas non b’at de allegare («Fintzas a nde faeddare ebbia est una trampa»).