Tyrrhenian link, sa resistèntzia de Ceraxius

Su Tyrrhenian link est comintzende a lassare su marcu. S’infrastrutura ideada pro collire s’energia de sos rodabbentos chi nos cherent pònnere a muntones in custa terra – e chi devent acumprire intro de su 2028 – est comintzende cun sos espròpios de sos terrinos in ue devet colare. Espròpios coativos de terrinos chi sos meres no ant chertu bèndere pro sa faina. Espròpios chi arraighinant àrbores de olia, comente ant fatu in Ceraxius. In ue sàbadu mangianu b’ant fatu unu sit-it torrende carinnos a sas prantas violadas, in ue domìniga mangianu sos operajos incarrigados nd’ant bogadu totu torrende a colare subra s’atzione volenterosa, e in ue como sos de su sit in bi sunt torrende a pònnere àteras prantas. Dende s’esempru de comente si resistet.