Sardu e gallesu, su 27 s'arresonada intra Ans e Cymdeithas yr Iaith

“Comente sarvare una lìngua? A s'organizare siat!”. At a mòvere dae inoghe s’arresonada chi s’Assemblea natzionale sarda est aprontende cun Bethan Ruth , sòtzia de Cymdeithas yr Iaith (Sotziedade de sa Lìngua Gallesa) in programma su 27 de martzu in Google Meet. «Amus a faeddare – narant is de Ans - de su passadu e su presente de s'ativismu linguìsticu in Galles pro is deretos de su gallesu. Cymdeithas est unu grupu non violentu chi punnat a apretare is istitutziones pro is deretos su gallesu e is comunidades de su Galles che parte de una rivolutzione internatzionale pro deretos e libertade de is pòpulos». S’addòbiu est a sas 6 e mesu de merie.

Custu su link: https://meet.google.com/onj-ixcp-vgk.

m.p.