Tzentru dereta, su nùmene in ghennàrgiu

Oe fiat sa die de Matteo Salvini e luego at a falare su vice suo, Andrea Crippa. Sa Lega s’est preparende a sa campagna eletorale de sas regionales imbenientes ma non narant nen de chèrrere una lista ùnica cun su Psd’Az, nen de chèrrere partzire sa coalitzione. Sa punna est semper sa matessi, sa de torrare a cunfirmare a Solinas, ma nant chi su nùmene at a lòmpere sas primas dies de s’annu e chi l’ant a disinnare in Casteddu e no in Roma. Su bonu de sa coalitzione cheret discontinuidade e duncas cheret chi cumprendemus ite ant a fàghere sos sardistas s’in casu su restu de sos alleados nàrgiant chi nono a sa cunfirma de su presidente uscente.