Bio e naturale: trèighi aziendas sardas in Bologna

Dae oe a su 9 de cabudanni sa Sardigna at a pigare parte a su de 35 salones internatzionales de su biològicu e de su naturale in Bologna.

Sunt 13 sas aziendas sardas , seletzionadas a pustis de unu bandu regionale indiritzadu a impresas minudas e mesanas in collaboratzione cun s’agentzia Laore. «Est una vetrina – narant dae sa Ras – de su cumpartu biològicu isulanu chi, intre traditzione e innovatzione, proponet produtziones biològicas de calidade arta. S’editzione 2023 si cunfirmat comente puntu de riferimentu chi ponet paris sos atores de su setore e frunit una prataforma de afàrios pro fàghere crèschere sas retes cummertziale conca a sos mercados noos». Ite b’at in Bologna? Binu, ògiu e mele mescamente.

m.p.