Istat, mìnimant sas registratziones de sas impresas

Cunforma a su trimestre in antis, s’ùrtimu de su 2022 marcat unu -0,9% pro su chi pertocat sa registratzione de sas impresas, fatores istagionales a banda. Sa crèschida bi l’amus in setores che a su de sos servìtzios finantziàrios, immobiliares e professionales (+3,5%), su de sos trasportos (+3,1%) e su de sos fràigos (+2,9%). Sas peus mènguas las agatamus imbetzes in su cummèrtziu (-7,1%), in sos servìtzios de informatzione e de comunicatzione (-4,1%) e in sos de allogu e ristoratzione (-2,6%). Reduidos sos fallimentos cunforma a su trimestre pretzedente (-22,1%) e a su matessi trimestre de su 2021 (-23,6%).

M.P.