Die de sa memòria, sa neta de Rita Levi Montalcini in Sardigna

Piera Levi-Montalcini, sa neta de Rita, prima fèmina prèmiu Nobel pro sa Meighina, at a bènnere a Sardigna pro contare sa tragèdia de sa Shoah in ocasione de sa Die de sa Memòria. Dae su 25 a su 28 de ghennàrgiu issa s’at a atopare cun sos tzitadinos e sos istudiantes de Casteddu, Ceraxius, Sestu, Cuartu, Donori e Su Masu.

Piera Levi-Montalcini nche lompet a Sardigna invitada dae sa dotzente de Diritu e de Economia Antonella Angioni cun s’agiudu de Enzo Cugusi de s’assòtziu Gramsci de sardos in Torinu. De famìlia ebràica, setantases sos annos suos, Piera est dae tempus intreghende s’ereu ispirituale de sa tzia giagarada, tando, dae s’Universidade de Torino pro more de sas leges ratziales. Nàschida su 1946, mancari a gherra finida, Piera nd’at suspidu, narat issa etotu, «s’atmosfera discriminatòria» sufrida dae sas persones de religione ebràica.

M.P.