Sardigna. Agoa de su Galsi una mantuma noa: is "rigassificatori"

(IlMinuto) - Casteddu, 20 de su mesi de maju - Furiat in s'àiri giai de s'annu passau, ma imoi parrit ca sa Giunta noa, sa ghiada de su Pd po s'intendi, cun a sa conca Frantziscu Piagliaru, apat determinau, cun delìbera n. 17/14 de su 13 de su mesi de maju de su 2014, de fai bessiri po sèmpiri sa Regioni Autònoma de Sardigna de su progetu Galsi. S'anaconda diventat maseda, ma cali àtera mantuma si movit a pabas de su palcu, biu ca sa Giunta no tenit assolutamenti intentzioni de renuntziai a su caminu de "metanizzazione" de s'ìsula? Sa mantuma noa, antzis is mantumas noas betidoras de isvilupu si tzerriant "rigassificatori". Sa cantzoni est sèmpiri sa mantessi sa de abasciai su costu de s'energia est sa torrada. A dògnia manera si trascurat sèmpiri, intre is àteras cosas, ca s'ìsula no tenit retza de cumpartzidura "metanifera" su caminu progetau po su Galsi si torrat a esponni a arriscus mannus de "impatto ambientale" batacollau de diversas partis

Fotografia de Lorenzo. Pigada de Flickr