"Afràsciu de Infiniu, MareMuro, oriduras po unu diàlogu 'realmeraviglioso'": Ulassa amentat a Mària Lai

(IlMinuto) – Casteddu, 7 de su mesi de arbili - Po su primu anniversàriu de sa morti de s'artista, sa Fondatzioni Istatzioni de s'arti de Ulassa, Museu de Arti contemporanea dedicau a Mària Lai, aprontat po mèrculis 16 de su mesi de arbili a cumentzai de is 16.00 sa proposta "Mària Lai Afràsciu de Infiniu, MareMuro, oriduras po unu diàlogu 'realmeraviglioso'". Ant essi in totu duus is mamentus de atopu chi s'ant a isboddiai in s'Ex Istatzioni Ferruviaria, in s'istrada provintzili nùmeru 11 in Ulassa. S'unu e s'àteru funt amparaus de su comunu de sa bidda, cun s'agiudu de sa Cineteca Sarda Sotziedadi Umanitària, de is Editzionis Condaghes, de Thorn & Sun e de Terra Gramsci. De un'annu apenas, su museu, òrfanu de sa protagonista sua, at a aghilliri sa presentada de s'òpera "Mària Lai, Afràsciu de Infiniu", unu progetu de Clarita Di Giovanni fatu de unu lìburu e duus films. A sighiri, "MareMuro, oriduras po unu diàlogu 'realmeraviglioso'" audiu-lìburu de Giorgio Baratta e Terra Gramsci.