Arti52: “Serendipità” mostra de Frantziscu Cubeddu
Image
(IlMinuto) – Casteddu, 6 de su mesi de martzu - Su de otu atopu po Arti52 de su Museu Naturalisticu de su Territòriu "Giosepu Pusceddu", in s'arruga de Lunamatrona-Forru. A is aparadas de Marcu Pili, Tore Atzeni, Sergiu Bolgeri e sa colletiva Orbaxi custa cida, a cumentzai de su 7 de su mesi de martzu s'at a acotzai sa mostra “Serendipità” de Frantziscu Cubeddu. S'aparada, chi at essi inaugurada a is 17, est un'acontèssia de serendipità, est a nai nascit "de su ai iscobertu una cosa chi no furiat circada e foras de contu mentras si nd'est circhendi un'àtera". Is "quadrografie" de s'artista, funt unu burdu intre pintura e fotografia, imprentadas asuba de tela po nd'aumentai s'ambiguidadi, rapresentant un'acatu a sa terra. "Totu su chi impitaus po allacanai s'ispatziu a terra, - si ligit in d-unu comunicau de imprenta - castiau de asuba perdit su significau suu, de sa "prospettiva aerea" is murus, is crasuris, is arrius si mudant in lìnias, furriadas, figuras geometricas de diversus caboris chi formant màginis pintoricas, cuadrus berus e pròprius chi s'òmini at fatu chentza de cuscèntzia". "De asuba iscoberreus ca sa terra - sighit sa nota - no est fata de una fibera de crivetus crarus comenti campedas, rilievus, padentis e desertus, maris e arrius, comenti fessat unu mosàicu mannu meda ma est un'ùnicu organismu chi scéti su càstiu 'terrestre' nostru cumpartzit".
© RIPRODUZIONE RISERVATA