“Tutta mia la città! Sguardi su Cagliari plurale”. Oberrit su cuncursu de fotografia
(IlMinuto) – Casteddu, 4 de su mesi de arbili - “Tutta mia la città! Sguardi su Cagliari plurale”. Est custu su títulu de su cuncursu promòviu de s'assótziu Terra Onlus aintru de su progetu “Baobab. Percorsi interculturali”, finatziau de Regioni Autónoma de Sardigna. Su cuncursu est obertu a totus is giòvanus intre is 14 e is 30 annus residentis o chi bivint in sa provìntzia de Casteddu chi tengant gana de contai sa tzitadi atressu de is màginis chi - si ligit in d-una nota de imprenta - "fueddint de intercultura populatzioni ativa, difaréntzia intre mascus e féminas, e de sa gherra a sa violéntzia". Iscopu de sa gara est cuncodrai una mostra fotografica asuba de s'arrichesa interculturali de sa primu tzitadi de sa Sardigna. "Circaus màginis chi pighint is personis e is logus de sa tzitadi nostra, chi amostint s'atopu intre identidadis difarentis, atressu de is arragus de comunicatzioni e is tiras possíbilis, e in sa circa e in s'iscumissa de unu chiostionu positivu", pretzisant is aprontadoris. In pàliu: prémius in dinai e sa possibilidadi de biri aparadas is próprius fotos po sa mostra chi s'at a isboddiai in Casteddu in su mesi de làmpadas de su 2013. No solu, sa pubricatzioni in d-un'e-catàlagu e sa pubricidadi in su progetu “Traghettamenti tra la Sardegna e Lampedusa”, de sa Fondatzioni Anna Lindh. Is òperas ant a depi essi presentadas intru su 30 de su mesi de arbili. Po ndi isciri de prus tocat a iscriri a s'indiritzu de posta: baobab.concorsofotografico@gmail.com
© RIPRODUZIONE RISERVATA