Intre pagu tempus is bandus de sceberu po is cursus regionalis Enaip

(IlMinuto) – Casteddu, 5 de su mesi de totussantus - Ant essi publicaus intre pagus tempus is bandus de sceberu po is cursus professionalis regionalis nous aprontaus de s'Enaip, Enti Natzionali Acli Istrutzioni Professionali e prevìdius in su pranu Annuali de Imparu Professionali. Diversus is caminus de amaistramentu de su 2013, intre custus: "su cursu po assetiai is pilus (1800 oras), su cursu po ténnicu de is atividadis de animatzioni sotziali e isvilupu de is facoltadis de presonis, grupus e comunidadis de su territóriu (800 oras), su cursu po ténnicu de progetatzioni e gestioni de fainas recreativas e culturalis, organizatzioni de su tempus líberu e acasàgiu clientis (800 oras)". Is cursus, chi s'ant a isboddiai in is comunus de Macumère, Bòno e Othieri, funt obertus a disimperaus o "inoccupati" chi apant fatu 18 annus e siant residentis in Sardigna e a disterraus disimperaus o "inoccupati" "comenti narat s'art. 21 coma de sa L.R. n° 7/1991. A s'acabu de su cursu at essi donada sa cualífica regionali. Po pigai prus scedas tocat a telefonai a su númeru 070/8006302 de s'Enaip.