Sistema de gestioni de su tràvigu linguìsticu: est controidu fueddai su sardu

(IlMinuto) – Casteddu, 25 de su mesi de ledàminis - Acontessit in Sardigna, aundi po su cunvegnu europeu asuba de is minorias linguìsticas chi s'at a isboddiai de su 26 a su 29 de su mesi de ledàminis in Orosèi, sa Lega de is Autonomias de sa língua italiana imponit a is reladoris sardus de no fueddai in sa própriu língua, benisì de relatai in italianu. Est cantu denuntziat su Comutadu pro sa limba sarda, chi protestat cun fortza contra a custa àtera discriminatzioni in is cunfrontus de sa língua de su pópulu sardu. Su Cunvegnu finatziau de s'Unioni Europea, "Chi at marcai sa tucada de su progetu 'EuroNetLang-European network of language minorities', chi promovit sa coperatzioni intre Comunus europeus asuba de su tema de is minorias linguìsticas, tucat mali e in manera assurda". Difatis, "sa lega de is Autonomias amostat - si ligit in d-una nota firmada de su Comitadu - de no ai cumprendiu sa chistioni linguìstica de is minorias europeas e ofendit a is sardus cun d-un'impositzioni de sestu colonialista candu insistit a is reladoris sardus a s'espressai in língua italiana [...] cun s'iscusa de problemas de 'interpretariato'". Diversas is contestaduras fatas de is difensoris de sa língua sarda, chi afirmant ca in Sardigna ddoi funt intèrpretis de su sardu a is printzipalis línguas europeas. Prusaprestu, mancai is atus de difesa, sa lega de is Autonomias at a impòniri s'arrefudu suu betendi de su continendi is próprius intèrpretis. Cun s'ispériu ca is reladoris de s'avenimentu s'arrebellent a custa discriminatzioni fueddendi in sa língua insoru, Su Comitadu pro sa limba sarda pedit a is aprontadoris "de recèdiri de s'óbligu cumandau a is reladoris sardus" e dimandat a sa Lega de is Autonomias de aprontai unu serbítziu de 'interpretariato' de sa língua sarda. De chi is dimandas no iant a essi pigadas in cunsidériu, Su Comitadu - acrarat sa nota - "at a protestai in su modu chi depit in s'Unioni Europea a manera chi custu cumportamentu 'glottofago' begat censurau e bengant arretiraus is finatziamentus donaus e impitaus in is fatus po istallai a is línguas de minoria a cumentzai de sa sarda". Anàlugu interventu at essi indiritzau a sa Regioni sarda puru "po s'ofesa e su cumportamentu dannosu de is diritus de sa Natzioni sarda in domu sua".