"Atopus 2012" in su macru de Gaber e Luporini

(IlMinuto) - Casteddu, 22 de su mesi de ledàminis - "Atopus" s'istóricu progetu firmau de su Teatru laboratoriu Alkestis, fait 20 annus. Po su 2012 sa manifestada, chi de diversas editzionis nascit cun s'agiudu de su Tzircu Calumet, s'oberrit a temas chi tenit importu mannu po su públicu. A pustis de su cunsidériu a figuras mannas de s'istória teatrali comenti is rapresentadas de Antonin Artaud, Fernando Arrabal, Samuel Beckett, Alejandro Jodorowski, "Atopus 2012", est dedicau totu a su pentzu e s'òpera de Giorgio Gaber e Sandro Luporini. Iscopu de sa rassegna est difatis su de fai connosci su pentzu e sa faina teatrali de is duus artistas. Unu progetu, chi cun s'agiudu de sa Fondatzioni Giorgio Gaber, est cumentzau s'11 de su mesi de ldàminis cun s'ispetàculu "In bilico distratto", de e cun Andrea Meloni e po sa regia de Sabrina Mascia. Is ispetàculus ant a sighiri cun atopus arricus fintzas a su 1 de su mesi de gennàrgiu de su 2013. Po ndi sciri de prus asuba de is avenimentus intrai in su giassu de su Teatru Alkestis.