Is Butegas de mestieri po aspirantis iscientis

(IlMinuto) – Casteddu, 14 de su mesi de cabudanni - S'iniziativa "Butegas de Mestieri", promòvia de su Ministeru de su Traballu e de is Política Sotzialis, at a permiti a 3.300 giòvanus (15-29 annus) de imparai unu mestieri e de s'ispecialitzai in is cumpartus prus importantis de s'artesanau "chi funt isparessendi": po sa Cgia de Mestre (Assótziu Artesanu Impresixeddas), difatis, ddoi est una lista de mestieris chi arriscat de morri, puru po mori de sa truncadura de sa cadena de sa trasmitidura de sa conoscéntzia chi portat is fainasartesanas, prusatotu in Sardigna, a no pigai iscientis. S'iscopu est su de "favorèssiri s'iscoberta, de parti de is prus giòvanus, de is mestieris manualis po agiudai a s'artesanau a torrai a essi su motori de traballu". Is iscentis ant a podi pigai una borsa de 500 eurus a su mesi e ant a depi presentai dimanda a Itàlia Traballu scéti atressu de su sistema informàticu comenti narant is diversas iscadéntzias chi s'agatant in su giassu. Po promovi a su progetu est stétia fissada puru una gara creativa "Traballu manuali de calidadi" chi at premiai su videu mellus e sa grafica prus bella chi contat su traballu manuali. S'iscadéntzia est prevìdia po su 15 su mesi de ledàminis de su 2012.

Fotografia de Bryluen. Pigada de Flick