"Cursus de imparu po is cassintegraus in tardamentu mannu e aprontaus mali". Sa denúntzia de Cgil, Cisl e Uil

(IlMinuto) – Casteddu, 9 de su mesi de austu - "Is tardamentus de is cursus de imparu po is cassintegraus arriscant de cumpromiti is políticas ativas chi serbint a donai una baga de traballu a milli e prus de milli disimperaus, ma a fai puru sighiri is finatzimentus statalis i europeus chi tocant a sa Sardigna". Est cantu denuntziant is segretàrius regionalis de Cgil, Cisl e Uil Marinora Di Biase, Giovanni Matta e Elisabetta Sorgia, pedendi a s'assessori regionali de su Traballu Antonio Angelo Liori "s'obertura de unu cunfrontu prontu cun is sindacaus".

Is traballadoris - si ligit in su comunicau de imprenta - afrontant istrobus grais po lompi in is domus aundi si faint is cursus, cun oràrius chi funt incompatibilis cun is abisóngius insoru, stesiadas longas de fai e mesis de abetu po is rimbussus de is ispesas de viazu. Is fainas de imparu, narat is sindacaus, funt disadatas a cussas pedias de su mercau de su traballu

Fotografia de KoineT. Pigada de Flickr