Língua sarda. Su Comitadu pro sa limba sarda protestat po sa supressioni de su sardu determinada cun sa spending review

(IlMinuto) – Casteddu, 18 de su mesi de argiolas - Sa "spending review" ndi liata a sa língua sarda, curregendi atressu de s'artículu 14-ispesas de su personali coma 16 sa lei de istabilizatzioni finantziaria 15 de su mesi de argiolas de 2011 - n. 111 e pretzisendi ca "po areas greògraficas carateritzadas de particularidadi linguìstica si fueddat de is chi tenint minorias de línguas de bratzolu istrangias". Su Comitadu pro sa limba sarda protestat e denuntziat "s'atu tirannu de su Guvernu Monti e de sa majoria sua, ca in modu abusivu determinat de ndi liai a sa língua sarda e detzidit puru sa discriminatzioni sua pruschetotu in is cufrontus de su francesu e de su tedescu de is regionis autónomas de Tramuntana ispacendidda comenti 'irminorigamentu de is ispesas de su personali' e penalitzendidda cun d-una méngua manna de iscolas e de traballu". Custa mesura ténnica - pretzisat sa nota de imprenta fata connosci de su Comitadu - "Tenit imbecis unu balimentu políticu negativu mannu ca totus is sardus depint avalorai cun atentzioni po previdiri balu atacus prus grais a su tempus benidori de sa Sardigna, a sa particularidadi autonomistica e su caminu fatu abia de unu Statutu nou de Soberania chi torrat a disegnai su raportu políticu e istitutzionali de sa Natzioni sarda cun s'Europa". "Parrit - arremaciat su comunicau de imprenta - chi no acabit mai s'atacu de su Guvernu Monti e de sa majoria sua, acotzada de casi totus is parlamentaris sardus contra a sa língua sarda e a S'Autonomia Ispeciali, comenti perra no de mesuras fillas de sa crisi económica ma una boluntadi política cunservadora e 'centralista' tipica de su colonialismu sabaudu e fascista prus malu po iscancellai nonostanti s'apricu trigadiu e incumpletu de sa Costitutzioni su Status de minoria linguìstica de is sardus".

Fotografia de randomaze pigada de Flickr