In Nùgoro s'Isre aprontat su video workshop de "antropologia visuale"

(IlMinuto) - Casteddu, 26 de su mesi de làmpadas - Unu video workshop de "antropologia visuale" de seti diris, de su 7 de su mesi de cabudanni a su 13 de su mesi de cabudanni de su 2012, po genti chi tenit pagu o nisciuna esperiéntzia e chi bolit impitai su médiu "audiovisivo" po iscopus de circa. Est custu s'obietivu de su progetu de imparu aprontau de s'Istitutu Superiori Etnograficu de sa Sardigna, cun s'agiudu de David e Judith MacDougall de sa Research School of Humanities & the Arts, Australian National University. Su workshop est obertu a laureaus e a istudiantis chi apant acabau assumancu tres annus de istúdius universitàrius e previdit imparamentus elementaris pràtigus in s'impitu de su video, cun chistionadas teóricas apitzus de s' impitu suu in is circas e in is iscritus de antropologia e de is matérias a issa acapiadas. "Su workshop - si ligit in d-una nota de imprenta - chi pigat totu sa diri, is sessionis de su mangianu ant essi letzionis de grupu, proietzionis e chistionus, mentris is su meigama s'ant a tenni is fainas individualis chi s'ant a sboddiai in Nùgoro e in is biddas acanta. Su workshop no previdit istudius ispecíficus asuba de su montagiu video, mancai at essi impitau unu métidu adatu a sa ripresa e a s'editing in the camera in modu chi is istudiantis imparint a fai meteriali chi potzant essi montaus diaderus". Su cursu at essi totu fatu de David e Judith MacDougall, "cineasti-etnografi" de importu internatzionali chi ant fatu diversus film etnogràficus e chi tenint un'esperiéntzia manna in s'imparamentu de is ténnicas "videocinematografiche" in Australia, Istadus Unius, Norvegia, India e Cina. Is dimandas po pigai parti a su bandu ant a depi lompi in sa domu de s'Isre, in arruga Papandrea 6 in Nùgoro intru de su 27 de su mesi argiolas de su 2012.