In Tàtari milla firmas po sa língua sarda a s'Universidadi

(IlMinuto) – Casteddu, 18 de su mesi de arbili - Istudiai su sardu comenti diritu ma comenti imbaga puru. S'assótziu de is istudiantis Su Majolu, e is milla istudiantis chi ant votau sa petitzioni presentada a s'Universidadi de Tàtari pedint s'istitutzioni de duus cursus de laurea nous in "Língua e Literadura sarda" e in "Isciéntzias de sa formatzioni primària in língua sarda" po s'abilitaztzioni a s'imparamentu de sa língua sarda in totu is iscolas primàrias e de sa crialla, impari a s'istitutzioni de un'asàminu de língua sarda in totus is cursus de laurea a cumentzai de s'annu académicu chi benit. Sa proposta nascit no scéti de s'acertamentu ca "totu un'inzénneru est perdendi su patrimóniu culturali mannu chi lompit de sa connoscéntzia de sa língua sarda", comenti acrarant is istudiantis de s'assótziu , ma de sa cunvintzioni puru ca su sardu potzat essi un'imbaga de traballu cappassu de donau un'arraspusta a s'abisóngiu de formai maistus preparaus po s'imparamentu de su sardu in is iscolas. Una proposta chi at essi sutaposta a is istitutzionis políticas puru, cun s'obietivu chi is diversas chistionadas asuba de s'amparu e de s'avaloramentu de sa língua si trasformint in progetus de costrutzioni bera.